Ռուսաստանում մարտ ամսից կդադարեցվի ամերիկյան Disney ստուդիայի սերիալների և ֆիլմերի ցուցադրումը

Ամերիկյան Disney ընկերության ղեկավարությունը մտադիր չէ նոր լիցենզային պայմանագրեր կնքել ռուս դիստրիբյուտորների հետ՝ ֆիլմերի և սերիալների ցուցադրության համար։ Այդ պատճառով, գործող պայմանագրերի դրույթների համաձայն, 2023 թվականի մարտից կդադարեցվեն ընկերության ֆիլմերի և սերիալների ցուցադրումը Ռուսաստանում, գրում է «Վեդոմոստի» թերթը։ 

2023 թվականի մարտին ռուսական վիդեո ծառայությունները կդադարեցնեն ամերիկյան Disney ստուդիայի սերիալների և ֆիլմերի ցուցադրման արտոնագրային պայմանագրերը։ Պայմանագրերի ժամկետի ավարտից հետո Դիսնեյը չի գործի՝ Kinopoisk, Evie և Okko հարթակներում։ 

Disney-ն այն խոշոր օտարերկրյա կազմակերպություններից է, որոնք որոշել էին հեռանալ ռուսական շուկայից միջազգային պատժամիջոցների պատճառով։ Այդ կազմակերպությունների ցանկում են նաև Sony Pictures-ը, UPI-ն և Paramount-ը: 

Փետրվարի 9-ին ամերիկյան Walt Disney մեդիա կորպորացիայի ղեկավարությունը հայտարարել է լայնածավալ վերակառուցման մասին։ Ընկերության ծրագրերը ներառում էին 7000 աշխատակցի կրճատում՝ ֆինանսական ծախսերը 5,5 միլիարդ դոլարով նվազեցնելու համար: