Ամերիկյան SpaceX-ը սահմանափակել է Ուկրաինայի կողմից Starlink արբանյակների օգտագործումը ռազմական նպատակներով
Ամերիկյան SpaceX-ը սահմանափակել է Ուկրաինայի կողմից Starlink արբանյակների օգտագործումը ռազմական նպատակներով, մասնավորապես՝ անօդաչու թռչող սարքերի կառավարման համար, ասել է ընկերության նախագահ Գվին Շոթվելը։
«Starlink Internet- ը երբեք նախատեսված չի եղել զենքի վերածվելու համար», - ասել է Շոթվելը, մեջբերում է Reuters-ը:
Խոսելով ուկրաինացիների կողմից անօդաչու թռչող սարքերը կառավարելու համար Starlink-ի ծառայությունների օգտագործման մասին՝ Շոթվելն ասել է, որ ընկերությունն ունի մեթոդներ, որոնցով SpaceX-ը կարող է սահմանափակել ինտերնետ համակարգերի նման օգտագործումը։
Ընկերության նախագահը հավելել է, որ ռազմական նպատակներով ուկրաինական անօդաչու սարքերի համար Starlink ցանցերի օգտագործումը չի մտնում Կիևի և SpaceX-ի միջև կնքված համաձայնագրի մեջ։
Ավելի վաղ Ուկրաինայի պաշտպանության նախարարությունը հայտարարել էր անօդաչու թռչող սարքերի ընկերությունների ստեղծման մասին լուրը։
Ուկրաինայի թվային տեղեկատվության նախարար Միխայիլ Ֆեդորովը հայտարարել էր, որ Ուկրաինան ակնկալում է փետրվարին Գերմանիայից ստանալ Starlink 10 հազար տերմինալ։
Starlink-ը հաջորդ սերնդի արբանյակային ցանց է, որը նախատեսված է ապահովելու լայնաշերտ ինտերնետ հասանելիություն աշխարհի ցանկացած կետում: Հաղորդվել է, որ մոտ 20 հազար Starlink տերմինալ է տեղափոխվել Ուկրաինա, այս արբանյակային կապն ակտիվորեն օգտագործվում է ուկրաինացի զինվորականների կողմից։
