Ուկրաինայից մեկնաբանել են ԱՄՆ-ից F-16-ների մատակարարման հարցը
Ուկրաինայի ազգային անվտանգության և պաշտպանության խորհրդի քարտուղար Ալեքսեյ Դանիլովը պնդում է, որ ԱՄՆ-ն անպայման F-16 կործանիչներ կուղարկի Ուկրաինա, նա դա «ժամանակի հարց» է համարում։ Տեղեկատվությունը փոխանցում է ՌԻԱ Նովոստին:
«Միայն ժամանակի հարց է, երբ մենք կստանանք F-16-ները... Դրանք անպայման կմատակարարվեն: Ցավոք, մենք առայժմ կորցնում ենք մեր մարդկանց», - CNN-ին ասել է Դանիլովը:
ԱՄՆ նախագահ Ջո Բայդենն ավելի վաղ «ոչ» էր պատասխանել լրագրողների այն հարցին, թե արդյոք F-16-ները կմատակարարվեն ուկրաինացի զինվորականներին։ Միաժամանակ Ֆրանսիայի նախագահ Էմանուել Մակրոնը հայտարարել է, որ չի բացառում Ուկրաինային ինքնաթիռներ մատակարարելու հնարավորությունը։ Լրատվամիջոցները գրել են նաև, որ Փարիզն ուսումնասիրում է Կիևի խնդրանքը՝ ուկրաինացի օդաչուների վերապատրաստման վերաբերյալ։
