«Օգնությունը շտապ կուղարկվի». ՆԱՏՕ-ն արձագանքել է Թուրքիայում գրանցված երկրաշարժին

Դաշինքը օգնություն է ուղարկելու երկրաշարժից տուժած Թուրքիային: Այս մասին թվիթերյան իր էջում րե է ՆԱՏՕ-ի գլխավոր քարտուղար Ենս Ստոլտենբերգը։ Նա նշել է, որ օգնությունը շտապ կուղարկվի։ Հզոր երկրաշարժի կապակցությամբ ՆԱՏՕ-ի գլխավոր քարտուղարը լիարժեք համերաշխություն է հայտնել Թուրքիային։

«Ես կապի մեջ եմ նախագահ Ռեջեփ Թայիփ Էրդողանի և արտգործնախարար Մևլութ Չավուշօղլուի հետ, ՆԱՏՕ-ի դաշնակիցներն այժմ մոբիլիզացնում են օգնություն»,- գրել է Ստոլտենբերգը։

Հիշեցնենք` Թուրքիայի հարավարևելյան Քահրամանմարաշ նահանգի Պազարջիկ շրջանում փետրվարի 6-ի առավոտյան ժամը 06:30-ին 7,4 մագնիտուդ հզորությամբ երկրաշարժի հետևանքով երկրի յոթ նահանգում զոհվել է 284 մարդ, 2323-ը՝ վիրավորվել։