Չինաստանում ձնահյուսի հետևանքով զոհերի թիվը հասել է 28-ի
Չինաստանի հարավ-արևմտյան Տիբեթի ինքնավար մարզում ճանապարհային թունելի մոտ ձնահյուսի հետևանքով զոհերի թիվը հասել է 28-ի, այս մասին հայտնել է Չինաստանի կենտրոնական հեռուստատեսությունը։
Ավելի վաղ հեռուստաալիքը հայտնել էր 20 զոհի եւ ութ անհետ կորածի մասին։ Որոնողափրկարարական գործողությունն ավարտվել է ուրբաթ երեկոյան։
Ձնահյուսը իջել է երեքշաբթի երեկոյան Նինչի քաղաքի մոտակայքում։ Փրկարարների կարծիքով՝ պատճառը կարող է լինել ուժեղ քամին և տարածաշրջանում ջերմաստիճանի բարձրացումը։ Փրկարարական աշխատանքներին ներգրավվել է ավելի քան հազար մարդ։
