Երևանում 68-ամյա տղամարդը հրկիզել է փեսայի տունը

Երեկ Երևանում արտառոց դեպք է տեղի ունեցել. 68-ամյա տղամարդը հրկիզել է փեսայի բնակարանը, հայտնում է ոստիկանությունը։

Նշվում է, որ հունվարի 20-ին` ժամը 17:48-ին, ոստիկանություն հաղորդում էր ստացվել, որ Ադոնցի փողոցում բնակարան է այրվում:

Դեպքի վայր մեկնած օպերատիվ խումբը պարզել է, որ 68-ամյա տղամարդը, լինելով ոչ սթափ վիճակում, հրկիզել է դստեր ամուսնու բնակարանը:

68-ամյա տղամարդը հայտնաբերվել, ձերբակալվել և տեղափոխվել է ոստիկանության բաժին:

Հրդեհի հետևանքով պատճառված վնասի չափը պարզվում է:

Կատարվում է նախաքննություն: