Կրակոցներ Վրաստանում. 5 մարդ զոհվել է, ևս 5-ը` վիրավորվել
Վրաստանում հրաձգության հետևանքով զոհվել է հինգ, վիրավորվել՝ հինգ մարդ: Այս մասին գրում է Говорит Москва-ն:
Միջադեպը տեղի է ունեցել Սագարեջո քաղաքում։ Հանրապետության ներքին գործերի նախարար Վախթանգ Գոմելաուրիի խոսքով՝ անհայտ պատճառներով տղամարդը բարիկադավորվել է այն բնակարանում, որտեղ որդու հետ է եղել և պատշգամբից սկսել կրակել հիվանդանոցի ուղղությամբ։ Նույն բնակելի շենքի չորս բնակիչներ տեղում մահացել են, կրակոցներից զոհվել է նաև իրավապահ մարմինների աշխատակիցը։
Երբ հատուկ նշանակության ուժերի ներկայացուցիչները մտել են բնակարան, 1974 թվականին ծնված հանցագործը պառկած է եղել մահճակալին, մոտակայքում ավտոմատ է եղել։ Տեղում հայտնաբերվել են նաեւ մի քանի նռնակներ, դրանք վնասազերծվել են սակրավորների օգնությամբ։
Վրաստանի ՆԳՆ ղեկավարի խոսքով՝ հարձակվողն ինքնասպան է եղել։
Նախաքննությունը շարունակվում է ծանրացուցիչ հանգամանքներում կատարված դիտավորյալ սպանության, ինչպես նաև ապօրինի կերպով հրազեն, ռազմամթերք ձեռք բերելու, պահելու և կրելու հոդվածներով։
