Ադրբեջանի զինված ուժերի գլխավոր շտաբի պետ Քերիմ Վալիևը, ցամաքային զորքերի հրամանատար Էնվեր Էֆենդիևը և այլ պաշտոնյաներ եղել են Հայաստանի հետ սահմանին գտնվող զորամասում, ինչպես նաև դիտել բարձր լեռնային, դժվարին տեղանքում անցկացվող զորավարժությունները։ Այս մասին գրում է Armenian Military Portal-ը։

Նշվում է, որ Ադրբեջանի ՊՆ կայքի լուսանկարում երևում է, որ թուրքական հատուկ ջոկատայինները MKEK MPT-76 ավտոմատներով մասնակցում են հայ-ադրբեջանական սահմանին անցկացվող զորավարժություններին։

«Այս փաստը վկայում է այն մասին, որ թուրք զինվորականները տեղակայված են անմիջապես սահմանին և ռազմական սադրանքներ են իրականացնում Հայաստանի դեմ»,- գրում է թելեգրամյան ալիքը։