SpaceX-ը չորեքշաբթի կարձակի նոր GPS արբանյակ ԱՄՆ ռազմաօդային ուժերի համար
Falcon 9 հրթիռը չորեքշաբթի ԱՄՆ ռազմաօդային ուժերի ուղեծիր դուրս կբերի երրորդ սերնդի GPS III գլոբալ տեղորոշման համակարգի արբանյակ։ Այս մասին գրում է Интерфакс-ը` հղում տալով SpaceX ընկերությանը։
Արձակումը նախատեսվում է իրականացնել ԱՄՆ-ի Արևելյան ափի ժամանակով ժամը 07:10-ին (Երևանի ժամանակով 16:10-ին) 40-րդ արձակման համալիրից ԱՄՆ-ի տիեզերական ուժերի բազայում Կանավերալ հրվանդանում (Ֆլորիդա):
Արբանյակը մեկնարկից մեկուկես ժամ հետո կնետվի Երկրից մոտ 1000 կմ բարձրության վրա, այնուհետև կտեղադրվի Երկրի միջին ուղեծրում՝ մոլորակից մոտավորապես 20,000 կմ բարձրության վրա:
Նշվում է, որ սա 2018 թվականից ի վեր ուղեծիր դուրս բերված արդեն 6-րդ GPS III արբանյակն է: Այս սարքերը պետք է աստիճանաբար փոխարինեն հնացած արբանյակներին, որոնք ներկայումս ապահովում են GPS ազդանշաններ ամբողջ աշխարհում:
GPS III արբանյակներն ունեն ազդանշանի բարձր ուժ, թույլ են տալիս երեք անգամ ավելի ճշգրիտ որոշել քաղաքացիական օբյեկտների գտնվելու վայրը, քան ներկայումս օգտագործվող սարքերը, որոնցում այն տատանվում է 3-ից 10 մետր:
Ռազմական կայանքների գտնվելու վայրի որոշման ճշգրտությունն էլ ավելի բարձր կլինի։
