Իրանի արդյունաբերության, հանքերի և առևտրի նախարարության պաշտոնական ներկայացուցիչ Օմիդ Ղալիբաֆը ՌԻԱ Նովոստիին ասել է, որ Թեհրանը չի բացառում ավտոմեքենաների արտադրության համար Ռուսաստանի հետ համատեղ ձեռնարկության ստեղծումը։

«Մեքենաների համատեղ արտադրությունը և գործարանի բացումը Իրանում կամ Ռուսաստանում կախված է նրանից, թե որքան հաջողությամբ մենք կարող ենք մեր մեքենաները արտահանել Ռուսաստան և մուտք գործել նրա շուկա, և որքան լավ կընդունեն իրանական մոդելները Ռուսաստանում», - ասել է Ղալիբաֆը:

Նրա խոսքով, այս տվյալների ստացումից հետո երկիրը կսկսի ուսումնասիրել համատեղ արտադրության մեջ ներդրումներ կատարելու և Ռուսաստանում ավտոշուկայի զարգացման հարցը։