Եվրամիությունը մտադիր է Ռուսաստանի դեմ պատժամիջոցների տասներորդ փաթեթը ներկայացնել, հայտարարել է Եվրահանձնաժողովի (ԵՀ) նախագահ Ուրսուլա ֆոն դեր Լեյենը։ Այս մասին գրում է Kp.ru-ն:
 

Ինչպես CNN-ի թղթակցին տված հարցազրույցում պարզաբանել է ԵՀ ղեկավարը, նոր փաթեթը հիմնականում ուղղված է լինելու «սողանցքները փակելուն և պատժամիջոցների շրջանցմանը վերջ դնելուն»։ 

«Դա ահռելի հետևանքներ կունենա նրանց համար, ովքեր շրջանցում են ԵՄ պատժամիջոցները», - նախազգուշացրել է եվրոպացի պաշտոնյան:
 

Հիշեցնենք, որ ավելի վաղ հայտնի էր դարձել, որ Ռուսաստանի դեմ ԵՄ պատժամիջոցների տասներորդ փաթեթը պետք է պատրաստվի մինչև 2023 թվականի փետրվարի վերջը: Այն կարող է ներառել ռուսական լրատվամիջոցների հետագա սահմանափակումներ և ավելի շատ բանկերի անջատում SWIFT համակարգից:
 

Լեհաստանը և Լիտվան ծրագրում են հասնել Ռուսաստանի միջուկային հատվածի սահմանափակումներին և ադամանդի առևտրի դադարեցմանը։ Եվրոպացի դիվանագետների կարծիքով՝ լրացուցիչ պատժամիջոցներ պետք է կիրառվեն նաև Բելառուսի նկատմամբ։