Ռոնալդուն կկարողանա տեղափոխվել «Նյուքասլ» մեկ դեպքում

Սաուդյան Արաբիայի «Ալ Նասրի» նորեկ Կրիշտիանու Ռոնալդուն Պրեմիեր լիգա վերադառնալու և Չեմպիոնների լիգայում դարձյալ խաղալու հնարավորություն ունի։ Marca-ն հայտնում է, որ «Ալ Նասրի» հետ պայմանագրով 37-ամյա Ռոնալդուն կկարողանա վարձակալությամբ հանդես գալ «Նյուքասլում», եթե անգլիական թիմը հաջորդ մրցաշրջանի համար նվաճի Չեմպիոնների լիգայի ուղեգիր։ «Ալ Նասրի» և «Նյուքասլի» սեփականատերը Սաուդյան Արաբիայի թագաժառանգն է, որն Անգլիայում ներկայացված է Սաուդյան Արաբիայի պետական ներդրումային հիմնադրամով։

Ռոնալդուի պայմանագիրը «Ալ Նասրի» հետ նախատեսված է մինչև 2025 թվական։