ԼՈՒՍԱՆԿԱՐՆԵՐ. Մխիթարյանը պատրաստ է Նապոլիի դեմ այսօրվա խաղին
«Ինտերն» Ա Սերիայի 16-րդ տուրում այսօր «Սան Սիրոյում» ընդունելու է առաջատար «Նապոլիին»:
Իտալական մամուլի հաղորդմամբ՝ «Ինտերի» հայ կիսապաշտպան Հենրիխ Մխիթարյանը պատրաստ է այսօրվա խաղին և երեկ մասնակցել է ընդհանուր խմբի մարզումներին:
Ըստ կանխատեսումների՝ տարվա առաջին խաղն «Ինտերը» կսկսի հետևյալ մեկնարկային կազմով՝
Օնանա, Շկրինյար, Աչերբի, Բաստոնի, Դյումֆրիս, Բարելա, Չալհանօղլու, Մխիթարյան, Դիմարկո, Ջեկո, Լուկակու:
Ավելի վաղ հաղորդվում էր, որ Մխիթարյանը թեթև վնասվածք է ստացել մարզման ժամանակ:
«Ինտերը» 30 միավոր ունի իր ակտիվում և Ա Սերիայի մրցաշարային աղյուսակի 5-րդ հորիզոնականն է զբաղեցնում՝ առաջատարին զիջելով 11 միավորով:
