Մեսսին վերսկսել է մարզումները ՊՍԺ-ում

Աշխարհի չեմպիոն Արգենտինայի հավաքականի ավագ Լիոնել Մեսին վերադարձել է Փարիզ եւ վերսկսել է մարզումները ՊՍԺ-ում, հաղորդում է ֆրանսիական L’Équipe-ը։

35-ամյա հարձակվողը հունվարի 3-ին մարզվում է անհատական ծրագրով, իսկ ֆրանսիացի Կրիստոֆ Գալտիեի գլխավորած թիմի ընդհանուր խմբին կմիանա հունվարի 4-ին։

Սպասվում է, որ այս ամիս Մեսին ու ՊՍԺ-ն կհայտարարեն պայմանագիրը մեկ տարով երկարաձգելու մասին։

Ֆրանսիայի ընթացիկ առաջնությունում Մեսին մասնակցել է 13 հանդիպման, խփել 7 գոլ, կատարել 10 գոլային փոխանցում։