ՏԵՍԱՆՅՈՒԹ. Չեն կարող երաշխավորել անվտանգությունը. ի՞նչ է ասել ՌԴ խաղաղապահ զորախմբի ներկայացուցիչը հայերին

Հայաստանից Արցախ մեկնող քաղաքացիների 5 ներկայացուցիչներ բանակցեցին Արցախում ռուսական խաղաղապահ զորախմբի հրամանատարի տեղակալի հետ։ Քաղաքացիների ներկայացուցիչները պահանջում են մաքրել Լաչինի միջանցքը կեղծ բնապահպաններից և երաշխավորել ազատ տեղաշարժը։ Երթի նախաձեռնողներից Սամվել Մովսիսյանը ասաց, ռուսական խաղաղապահ զորախմբի հրամանատարի տեղակալը ասել է, որ իրավիճակը լարված է, իրենք չեն կարող ապահովել Հայաստանից երթով գնացածների անվտանգությունը դեպի Արցախ:

 «Ճանապարհի փակված մասում կարող է լինել բավական վտանգավոր վիճակ, ամեն բան կարող է դուրս գալ կառավարումից եւ կարող եք ավելի վնասել ստեղծված իրավիճակին: Իրենք տեղյակ են եւ տեղեկացրեցին մեզ, որ այս պահին քննարկումներ են գնում ամենաբարձր մակարդակով, կոնկրետ այս հարցի հետ կապված եւ առաջարկվել է սպասել այդ պատասխանին: Ռուսական խաղաղապահ զորախմբի հրամանատարի տեղակալի խոսքով, այդ ղեկավարության մեկ ուղղակի հրամանը ամբողջապես լուծելու է այս հարցը, վերջնականապես, ոչ թե մեկ ագամ բացեն, երկու անգամ փակեն: Հիմա պետք չի որ որեւէ մեկը գնա հերոսություն անի, իրական հերոսները հիմա Արցախում են, նշեց Սամվել Մովսիսյանը: Ինչ վերաբերում է այսօր, դեկտմբերի 26-ին ճնապարահը բացելու մասին հայտարարություններին, ապա Ռուսական խաղաղապահ զորախմբի հրամանատարի տեղակալի խոսքով, իրենք ոչինչ չեն խոստացել, լուրը տարածել են լրատմիջոցները: Ինչ որ հանդիպում է լինելու և այնտեղ որոշում է կայացվելու, բայց որ ճանապարհը բացվելու է` նման խոստում չի տրվել»:

Տեսանյութը` MediaHub-ի: