Ռուս խաղաղպահները գալիս են Տեղ գյուղի մոտ` հանդիպելու հայ ակտիվիստների հետ
Ինչպես արդեն հայտնել էինք` այսօր առավոտյան Հանրապետության հրապարակից մեկնարկել է մի խումբ ակտիվիստների նախաձեռնած ավտոերթը դեպի Լաչինի միջանցք։ Ավտոերթի մասնակիցներն արդեն անցակետի մոտ են:
«2-3 հոգի՝ մեր ուղեկցությամբ, հիմնականում այն մարդիկ, ովքեր ի վիճակի են բանակցելու ռուսների հետ, գնում ենք ռուսական կողմ, հնարավոր է նաև լրագրողներ։ Եթե ռուսները թույլ տան, մենք խնդիր չունենք»,- այս մասին դեպի Ստեփանակերտ շարժվելու նպատակով ավտոերթ կազմակերպած ակցիայի մասնակիցներին տեղեկացրեց ՀՀ ոստիկանության ներկայացուցիչը։
Անցակետի մոտ ՀՀ ոստիկանները ներկայացրեցին այն պայմանները, որոնք պիտի խստորեն պահվեն ակտիվիստների ու լրագրողների կողմից: Ակցիայի մասնակիցները եկան այն եզրահանգման, որ գնալու են բոլորով՝ մի մասը կսպասի 100 մետր հեռու մի քանի հոգի ռուս խաղաղապահների հետ կվարեն բանակցություններ, այդ ամենը ֆիքսելու են տեղում աշխատող լրագրողները: Նշվում է նաև, որ քիչ ռուս խաղաղպահները շարժվել են Ստեփանակերտից և մոտ մեկուկես ժամից կլինեն Տեղ գյուղի մոտ եւ կհանդիպեն ներկաների հետ:
