Բելառուսը և Ռուսաստանը ծրագրում են համատեղ ստեղծել երեք արբանյակ

Բելառուսը և Ռուսաստանը 2023 թվականին կսկսեն ստեղծել արբանյակների համատեղ համաստեղություն` որպես Միութենական պետության նոր գիտատեխնիկական ծրագրի մաս, հայտարարել է Բելառուսի Գիտությունների ազգային ակադեմիայի ​​«Երկրատեղեկատվական համակարգերի» տնօրեն Սերգեյ Զոլոտոյը։ 

Ըստ  Բելառուսի Գիտությունների ազգային ակադեմիայի ներկայացուցչի`  հաջորդ տարի կսկսվի ​​«Комплекс-СГ» ութերորդ ծրագրի իրականացումը, որը վերաբերում է ուղեծրային և ցամաքային օբյեկտների հիմնական տարրերի զարգացմանը: Խնդիրը փոքր չափի տիեզերանավերի համատեղ բազմարբանյակային համաստեղություններ ստեղծելն է՝  Երկրի մակերևույթի և մերձերկրյա տարածության մոնիտորինգի համար:

Նա մանրամասնել է, որ միութենական պետական ​​«Комплекс-СГ» ծրագիրը նախատեսում է երեք արբանյակների ստեղծում։ Մեկ արբանյակը կշռելու է 200 կգ, իսկ մյուս երկուսը կլինեն ավելի փոքր՝ մոտ 10 կգ: 

Դեռ նոյեմբեր ամսին Բելառուսի նախագահ Ալեքսանդր Լուկաշենկոն հայտարարել էր, որ Բելառուսն ու Ռուսաստանը աշխատում են արբանյակային համատեղ համաստեղության ստեղծման վրա, որը կօգտագործվի ռազմական նպատակներով և ոչ միայն։