ՏԵՍԱՆՅՈՒԹ․ Բուրյաթիայում ուղղաթիռ է այրվել. անձնակազմի անդամներին ողջ մնալ չի հաջողվել
Ուղղաթիռը բռնկվել է ուրբաթ օրը Բուրյաթիայի մայրաքաղաքի օդանավակայանում, միջադեպի հանգամանքների և տուժածների մասին տեղեկատվությունը ճշտվում է, ՌԻԱ Նովոստիին հայտնել է տարածաշրջանի արտակարգ ծառայությունների ներկայացուցիչը։
«Ուլան-Ուդեի օդանավակայանի թռիչքուղու վրա ուղղաթիռ է այրվում, մանրամասները ճշտվում են»,- ասել է աղբյուրը։
Ավելի ուշ Ռիա Նովոստին հաղորդել է, որ Մի-8 ուղղաթիռի կոշտ վայրէջքի ժամանակ երեք մարդ է մահացել, այս մասին հայտնել է տարածաշրջանի արտակարգ իրավիճակների ծառայության ներկայացուցիչը։
«Անձնակազմի երեք անդամներ զոհվել են»,- ասել է աղբյուրը։
Նրա խոսքով՝ ուղղաթիռը ծանր վայրէջք է կատարել Բուրյաթիայի մայրաքաղաքի օդանավակայանում Բայկալ լճից թռիչքից հետո։ Դեպքի հանգամանքները պարզվում են։
