Միջանցքով ազատ տեղաշարժը պետք է հնարավորինս շուտ վերականգնվի. Շվեյցարիայի ԱԳՆ
Շվեյցարիան մտահոգված է Լաչինի միջանցքի շուրջ զարգացումներով։ Այս մասին ասվում է Շվեյցարիայի արտաքին գործերի դաշնային դեպարտամենտի Եվրասիայի դեպարտամենտի ղեկավար, դեսպան Աննա Իֆկովից Օրների թվիթերյան էջում:
«Միջանցքով ազատ տեղաշարժը պետք է հնարավորինս շուտ վերականգնվի, իսկ Հայաստանի և Ադրբեջանի միջև բանակցությունները պետք է վերսկսվեն բոլոր չլուծված հարցերի լուծման համար», – նշում է նա:
Հիշեցնենք, որ դեկտեմբերի 12-ի առավոտյան ժամը 10:30–ից ընդհատված է Շուշիի շրջանի Լիսագոր, Մեծ շեն, Հին շեն և Եղցահող գյուղերի կապը մայրաքաղաք Ստեփանակերտի հետ։ Քաղաքացիական հագուստներով մի խումբ ադրբեջանցիներ, կրկին բնապահպանական պատճառաբանությամբ փակել են Ստեփանակերտ-Գորիս մայրուղին:
Ադրբեջանական կողմը դեկտեմբերի 13-ին նաև փակել է Արցախի գազամատակարարումը։
