ԼՈՒՍԱՆԿԱՐՆԵՐ. Մալենան փորձի ժամանակ ընկել է բեմից. ի՞նչ է հայտնի
Երեւանում «Մանկական Եվրատեսիլի» հերթական փորձերից մեկի ընթացքում 2021 թվականին մրցույթը հաղթած Մալենան ընկել է բեմից։ Նա ստացել է քերծվածքներ, վնասվել է նրա ձեռքը։ Դա նկատելի էր նաեւ այսօր տեղի ունեցած մամուլի ասուլիսի ժամանակ․ երգչուհու ձեռքը վիրակապված էր։ Այս մասին գրում է «Հրապարակը»:
Համացանցում տարածվում են տեղեկություններ, թե վնասվածքի պատճառով հնարավոր է երգչուհին չկարողանա ելույթ ունենալ մրցութային համերգի ժամանակ։ Լրատվականի աղբյուրների փոխանցմամբ՝ նա ելույթ կունենա,կբացի համերգային ծրագիրը, ավելին՝ երգչուհին այս օրերին շարունակում է մասնակցել փորձերին։
