Նարիշկինն ու ԱՄՆ ԿՀՎ ղեկավարը բանակցություններ են վարել
ՌԴ Արտաքին հետախուզության ծառայության տնօրեն Սերգեյ Նարիշկինի և ԿՀՎ ղեկավար Ուիլյամ Բերնսի բանակցությունների ընթացքում, որոնք տեղի են ունեցել նոյեմբերի 14-ին Անկարայում, հարցեր են բարձրացվել միջուկային անվտանգության և Ուկրաինայում տիրող իրավիճակի վերաբերյալ։ Այս մասին ասել է Նարիշկինը` նշելով, որ ԿՀՎ տնօրենի հետ հանդիպման ժամանակ ամենահաճախ օգտագործվող բառերից է եղել «Ուկրաինա» բառը, գրում է Коммерсантъ-ը։
«Կարող եմ նշել, որ այս հանդիպմանը ամենահաճախ օգտագործվող բառերն էին «ռազմավարական կայունություն», «միջուկային անվտանգություն», «Ուկրաինա» և «Կիևի ռեժիմ»», - ասել է նա։
Նարիշկինը հաստատել է նաև Մոսկվայում ԱՄՆ գործերի ժամանակավոր հավատարմատար Էլիզաբեթ Ռուդի տեղեկությունը, որ ռուսական և ամերիկյան հետախուզական ծառայությունների միջև միջուկային անվտանգության հարցերը քննարկելու ալիք կա։
