Հայ-հունգարական հարաբերությունները կվերականգնվե՞ն

ԶԼՄ Հաշվի առնելով այն հանգամանքը, որ անցյալ տարի Հունգարիան նպաստեց 5 հայ ռազմագերիների վերադարձին, Հայաստանը, ըստ bagramyan26 թելեգրամյան ալիքի տեղեկատվության, քննարկում է դիվանագիտական ​​հարաբերությունները վերականգնելու հնարավորությունը: 

Ալիքի հաղորդմամաբ`  վաղը Հայաստանի արտգործնախարար Արարատ Միրզոյանը կհանդիպի Հունգարիայի իր գործընկերոջ հետ՝ քննարկելու հայ-հունգարական հարաբերությունները:

Հիշեցնենք, որ Հայաստանի և Հունգարիայի միջև դիվանագիտական հարաբերությունները հաստատվել են 1992թ. փետրվարի 26-ին:
2012թ. օգոստոսի 31-ին ՀՀ ԱԱԽ որոշմամբ Հայաստանի և Հունգարիայի միջև դիվանագիտական հարաբերությունները կասեցվել են:
Որոշման պատճառ է դարձել այն, որ Բուդապեշտը Բաքվին է արտահանձնել ՀՀ ԶՈՒ սպա Գուրգեն Մարգարյանի սպանության համար Հունգարիայում ցմահ դատապարտված ադրբեջանցի զինծառայող Ռամիլ Սաֆարովին։