Չինաստանի կողմից COVID-19-ի նկատմամբ զրոյական հանդուրժողականության քաղաքականության հետ կապված համատարած դժգոհության մասին պնդումները չեն համապատասխանում իրականությանը, երկուշաբթի օրը կայացած ճեպազրույցում ասաց Չինաստանի ԱԳՆ խոսնակ Չժաո Լիջյանը։ Տեղեկատվությունը փոխանցոում է ՌԻԱ Նովոստին:

«Նշված վիճակը չի համապատասխանում իրականությանը», - ասել է դիվանագետը՝ պատասխանելով լրագրողի խնդրանքին՝ մեկնաբանելու Չինաստանի իշխանությունների ծրագրերը՝ Չինաստանի զրոյական հանդուրժողականության քաղաքականության «համատարած դժգոհության» պայմաններում:

Դիվանագետը վստահություն է հայտնել, որ Չինաստանի կոմունիստական ​​կուսակցության ղեկավարությամբ և ողջ չին ժողովրդի համագործակցությամբ ու աջակցությամբ Չինաստանում համաճարակի դեմ պայքարը հաջողությամբ կպսակվի։

Հիշեցնենք` Չինաստանի մայրաքաղաք Պեկինում և բազմաթիվ այլ քաղաքներում շարունակվում են զանգվածային բողոքի ցույցերն՝ ընդդեմ սահմանափակող միջոցների, որոնք երկրի իշխանությունները մտցրել են կորոնավիրուսի դեմ պայքարի պատճառաբանությամբ։