ՏԵՍԱՆՅՈՒԹ․ Հարվածել են Դոնեցկի կենտրոնին, ռումբի բեկորները դիպել են ավտոբուսի
Համացանցում տեսանյութ է հրապարակվել Դոնեցկի հրետակոծությունից։ Նշվում է, որ հարվածը հասցվել է քաղաքի կենտրոնին։ Վնասվել է առնվազն տասը բազմաբնակարան շենք, ռումբի բեկորները դիպել են ավտոբուսի, որի մեջ մարդիկ են եղել։ Ըստ ռուսական լրատվականների՝ երեք մարդ վիրավորվել է։
Հիշեցնենք, որ փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարել էր, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասել էր, որ հանգամանքները վճռական և անհապաղ գործողություններ են պահանջում։
