ԼՈՒՍԱՆԿԱՐՆԵՐ. Ինչ է կատարվում Սևաստոպոլում. ռուսական նավեր են վնասվել
Ուկրաինական ալիքները լուսանկարներ են հրապարակել Սևաստոպոլի նավերի կայանման տարածքից եւ պնդում են, որ գիշերը ուկրաինական կողմից անօդաչուներով հարձակման արդյուքնում ռուսական նավերը վնասվել են:
Ռազմական լրագրող Անդրեյ Ցապլիենկոյի խոսքով՝ նախնական տվյալներով ոչնչացվել են Ռուսաստանի Դաշնության Սևծովյան նավատորմի 4 նավ, այդ թվում՝ «Ադմիրալ Մակարով» ֆրեգատը, որը «Մոսկվա» հայտնի նավի խորտակվելուց հետո դարձել էր Ռուսաստանի Սևծովյան նավատորմի նոր դրոշակակիրը։
Հաղորդվում է նաեւ, որ գիշերայի նպայթյուններից հետո ռուսներն ամբողջությամբ փակել են Սևաստոպոլի ծոցի մուտքը։
Ռուսական ալիքներն էլ հայտնում են, որ այսօրվա հարձակումը Սևաստոպոլի տարածքում ամենազանգվածայինն էր հատուկ գործողության սկզբից ի վեր։ Ուկրաինայի զինված ուժերի թիրախը Սևծովյան նավատորմի ռազմական օբյեկտներն էին։
Ուկրաինական լրատվականները հաղորդում են նաեւ, որ Սևաստոպոլի տեսախցիկների բոլոր տեսաձայնագրությունները, որոնք նախկինում հասանելի էին քաղաքացիական անձանց, կփակվեն, ասել է նահանգապետ Միխայի Ռազվոժաևը:
