ՏԵՍԱՆՅՈՒԹ. Ինչպես է սկսվում Շահ Չերախի դամբարանի ահաբեկչությունը. կա 15 զոհ
Հրապարակվել են կադրեր, որոնցում երևում է, թե ինչպես են ահաբեկիչները հրաձգություն սկսում Իրանում՝ Շահ Չերախի դամբարանում: Տեսանյութը հրապարակել է Miran Press-ը:
Ինչպես հայտնել էինք՝ ահաբեկչության պատասխանատվությունը ստանձնել է «ԻՊ» ահաբեկչական կազմակերպությունը:
Հիշեցնենք, որ Իրանի Շիրազ քաղաքում զինված հանցագործները կրակ են բացել Շահ Չերախի դամբարանի մոտ, ինչի հետևանքով առնվազն 15 մարդ է զոհվել, 40-ը՝ վիրավորվել, հայտնում է տեղական Fars գործակալությունը։
Հաղորդվում է, որ երեք զինված անձինք կրակ են բացել դամբարանի հարակից տարածքում։ Նրանցից երկուսը բերման են ենթարկվել։ Գործողություններ են ընթանում երրորդ անձին ձերբակալելու ուղղությամբ։
«Շահ-Չերախի դամբարանի վրա հարձակման հետևանքով զոհերի թիվը հասել է 15-ի»,- ասվում է IRIB գործակալության հաղորդագրության մեջ։
Իրանական լրատվամիջոցները հարձակումն ահաբեկչություն են որակում։
