ՏԵՍԱՆՅՈՒԹ. Տեսախցիկը ֆիքսել է Իրկուտսկում Սու-30 ինքնաթիռի կործանման պահը
Ինչպես արդեն հայտնել ենք` Իրկուտսկում Սու-30 ինքնաթիռ է կործանվել, հայտնում է ՌԴ արտակարգ ծառայությունները։
Նշվում է, որ ինքնաթիռը վթարի է ենթարկվել փորձնական թռիչքի ժամանակ։ Համացանցում են հայտնեվել կադրեր` ինքնաթիռի կործանման պահից:
Սու-30-ը ընկել է քաղաքային հատվածում մասնավոր փայտե երկհարկանի բնակելի տան վրա, որից հետո հրդեհ է բռնկվել:
Ինքնաթիռի անկումից հետո հրդեհի մակերեսը կազմել է 200 քառակուսի մետր։
Դեպքի վայրում աշխատում են հրշեջ-փրկարարական ստորաբաժանումները։
Հիշեցնենք` հոկտեմբերի 17-ին Եյսկում բնակելի շենքի բակում ընկել էր ռուսական գերձայնային Սու-34 կործանիչը, որից հետո այն այրվել էր։ Հրդեհի հետևանքով զոհվել էր 15 մարդ, տուժել՝ 26 - ը ։ Քննչական կոմիտեն քրեական գործ է հարուցել ավիավթարի պատճառով։
