ՏԵՍԱՆՅՈՒԹ. Ուժգին հրդեհ բնակելի շենքում, կործանված ռազմական ինքնաթիռ. ինչ է հայտնի
Եյսկում բնակելի շենքի այրվող տարածքը 2000 քմ է, հայտնել են ՌԴ ԱԻ ծառայությունները:
Նշվում է, որ զոհերի, վիրավորների մասին տեղեկությունները ճշտվում են:
Ռուսական թելեգրամյան ալիքները հայտնում են առնվազն 1 զոհի մասին, կան վիրավորներ, որոնց թվում նաև երեխա կա: Ինչպես նշվում է՝ հրդեհը տարածվել է շենքի առաջին հարկից մինչև 5-րդ հարկ: Օդաչուն կատապուլտի միջոցով կարողացել է փրկվել:
Վթարի պատճառը եղել է Սու-34-ի շարժիչներից մեկի բռնկումը թռիչքի ժամանակ, հայտնում է ՌԴ ՊՆ-ն։ Վթարը տեղի է ունեցել Հարավային ռազմական օկրուգի ռազմական օդանավակայանից ուսումնամարզական թռիչք կատարելու համար բարձրանալիս։
Դատախազությունը քննություն է սկսել սկսել Յեյսկում ավիավթարի փաստով:
Ավելի վաղ հայտնել էինք, որ ՌԴ Կրասնոդարի երկրամասի Եյսկում ռազմական ինքնաթիռն ընկել է բնակելի շենքերի վրա, վթարի վայրում խոշոր հրդեհ է բռնկվել:
