ՏԵՍԱՆՅՈՒԹ․ Ծեծկռտուք օրը ցերեկով՝ Երևանի կենտրոնում․ Hraparak
Րոպեներ առաջ Կորյուն-Աբովյան խաչմերուկում` Բժշկական համալսարանի անցումի հարևանությամբ ծեծկռտուք է տեղի ունեցել, մոտ 7-8 երիտասարդներ ծեծի են ենթարկել մի քաղաքացու, գրում է Hraparak-ը։
Լրատվամիջոցի թղթակիցը ականատես է եղել, թե ինչպես է դեմքը արնաշաղախ եղած և շորերը պատռված քաղաքացին արագ լքում դեպքի վայրը, քաղաքացիների վրա հասնելուց հետո ծեծող երիտասարդները ևս արագ լքել են դեպքի վայրը և շարժվել դեպի Բժշկական համալսարան:
Տեղում գտնվող քաղաքացիներից մեկը լրատվամիջոցի թղթակցին պատմել է, որ մինչ այդ դեպքը այլ հատվածում էլ են ծեծել նույն քաղաքացուն, ապա կռիվը տեղափոխվել է Բժշկական համլսարանի անցումի հարևանությամբ: Ծեծկռտուքից անմիջապես հետո դեպքի վայր են եկել պարեկային ոստիկանները, սակայն քիչ անց նրանք ևս հեռացել են:
Մանրամասն՝ տեսանյութում
