ՏԵՍԱՆՅՈՒԹ. Ակտիվիստները Վան Գոգի «Արևածաղիկներ» նկարի վրա կարմիր զանգված են լցրել
Կլիմայի ակտիվիստները Լոնդոնի Ազգային պատկերասրահում Վան Գոգի «Արևածաղիկներ» նկարի վրա լցրել են տարայով կարմիր զանգված: Ինչպես նշում է BBC-ն` տարայում լոլիկի ապուր է եղել:
Կադրերում երևում է, որ ակտիվիստ կանայք Just Stop Oil շապիկներով են: Նրանք տարրաներն են բացում և պարունակությունը լցնում գլուխգործոցի վրա: Հաջորդիվ սոսինձ են տարածում իրենց ձեռքի ափերի վրա և ձեռքերը սոսնձում ցուցասրահի պատին:
Մետրոպոլիտեն ոստիկանությունը հայտնել է, որ նրանք ձերբակալվել են։
Պատկերասրահից ասում են, որ նկարը չի վնասվել, քանի որ այն ապակե շերտի տակ է եղել:
