Ադրբեջանի մասին Ֆրանսիայի նախագահ Էմանուել Մակրոնի հայտարարությունները հարցականի տակ են դնում նրա անկողմնակալությունը և ստիպում են վերանայել այդ երկրի միջնորդական ջանքերը, նշվում է Ադրբեջանի ԱԳՆ տարածած մեկնաբանության մեջ: 

Ըստ Ադրբեջանի ԱԳՆ-ի՝ Մակրոնի հայտարարությունները, որոնք «ուղղված են Ադրբեջանի դեմ, ավելի շատ նախատեսված են ներքին լսարանի համար և միակողմանի են»։ 

Հիշեցնենք, որ Մակրոնը France 2 հեռուստաալիքի եթերում հայտարարել էր, որ Ադրբեջանը սարսափելի պատերազմ է սանձազերծել Ղարաբաղում և մի քանի հարձակումներ սկսել Հայաստանի տարածքի վրա: Նա նաև հայտարարել է, որ Մոսկվան այդ հակամարտությունն օգտագործում է Հարավային Կովկասն ապակայունացնելու համար: Ուրբաթ ԱՊՀ գագաթնաժողովում ունեցած ելույթում ՌԴ նախագահ Վլադիմիր Պուտինը Ռուսաստանի դեմ այդ արտահայտություններն անվանել է ոչ կոռեկտ և անընդունելի: