Ինչպե՞ս են մեկնաբանել Կրեմլից Պուտինի և ԱՄԷ նախագահի հանդիպումը
Ռուսաստանի Դաշնության նախագահի մամուլի քարտուղար Դմիտրի Պեսկովը, մեկնաբանելով ԱՄԷ նախագահ Մուհամեդ բին Զայեդ Ալ Նահյանի և Ռուսաստանի առաջնորդ Վլադիմիր Պուտինի հանդիպումը, բանակցություններն անվանել է առարկայական։
Երեքշաբթի օրը ԱՄԷ նախագահ Մուհամմեդ բին Զայեդ Ալ Նահյանը առաջին անգամ այցով Ռուսաստան է այցելել այս տարվա մայիսին ԱՄԷ նախագահի պաշտոնում նշանակվելուց հետո։
«Ինչպես գիտեք, երեկ տեղի են ունեցել առարկայական բանակցություններ նախագահ Պուտինի և Արաբական Միացյալ Էմիրությունների նախագահ Շեյխ Մուհամմեդ բեն Զեյդ Ալ Նահյանի միջև», - չորեքշաբթի լրագրողներին ասել է Պեսկովը:
Նա նշել է, որ մանրամասն քննարկվել են երկկողմ հարաբերությունները եւ հաստատվել է, որ առեւտրատնտեսական հարաբերությունների ծավալների արագ աճ կա։
«Այդ կապակցությամբ փոխադարձ գոհունակություն է արտահայտվել»,- հավելել է ՌԴ ղեկավարի խոսնակը։
Հանդիպման վերաբերյալ քննարկվում է նաև, որ ԱՄԷ-ի նախագահ Մուհամեդ բեն Զայիդ Ալ Նահայանը Ռուսաստանի նախագահ Վլադիմիր Պուտինի հետ հանդիպման է գնացել սեւ մարզակոշիկներով։
Քաղաքական գործչի Սանկտ Պետերբուրգ կատարած աշխատանքային այցի կադրերում երեւում է, որ, մարզակոշիկներից եւ ավանդական արաբական հագուստից բացի՝ նրա ոտքերին Nike-ի գուլպաներ էին։ Պուտինն, իր հերթին, հանդիպմանը ներկայացել է կոշիկներով եւ գործնական կոստյումով ու մանուշակագույն փողկապով։
