Լեհաստանն ԱՄՆ-ի հետ քննարկել է իր տարածքում միջուկային զենք տեղակայելու հնարավորությունը
«Gazeta Polska»-ին տված հարցազրույցում Լեհաստանի նախագահ Անժեյ Դուդան հայտնել է, որ Լեհաստանն ԱՄՆ-ի հետ քննարկել է իր տարածքում միջուկային զենքի տեղակայման հնարավորությունը: Նրա խոսքով՝ Լեհաստանը միջուկային երկիր չէ, և ոչ մի նշան չկա, որ մոտ ապագայում ատոմային զենք կստանա։
Փոխարենը՝ Լեհաստանը հնարավորություն ունի մասնակցելու «Nuclear sharing» ծրագրին: Հյուսիսատլանտյան դաշինքի միջուկային զսպման քաղաքականության հայեցակարգը թույլ է տալիս սեփական միջուկային զենք չունեցող անդամ երկրներին մասնակցել ՆԱՏՕ-ի ատոմային զենքի օգտագործման պլանավորմանը:
