ԼՈՒՍԱՆԿԱՐՆԵՐ․ Արշակունյաց պողոտայում բռնկված հրդեհից 10 քաղաքացու առաջին բուժօգնության մասին լուրերը կեղծ են

Երևանում նախկին պլաստիկի գործարանի տարածքում այսօր բռնկված հրդեհը մեկուսացվել է։ Տեղեկությունը հայտնում է ՀՀ ԱԻՆ մամուլի ծառայությունը։

Ինչպես արդեն հայտնել էինք, որ այսօր` ժամը 08։30-ին, Ճգնաժամային կառավարման ազգային կենտրոն ահազանգ էր ստացվել, որ ծուխ է նկատվում Երևանի Արշակունյաց պողոտայի կիսակառույց շինությունից։ Դեպքի վայր էին մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երեք մարտական հաշվարկ։

«Հրդեհը մեկուսացվել է ժամը 10։23-ին»,–նշված է ԱԻՆ հաղորդագրության մեջ։

Քիչ առաջ լրատվամիջոցներում տեղեկություններ տարածվեցին այն մասին, որ իբր  շտապօգնության բժիշկների հերթապահ խումբը տեղում մոտ 10 քաղաքացու առաջին բուժօգնություն է ցուցաբերել, քանի որ վերջիններիս ինքնազգացողությունը ծխի պատճառով վատացել է։

ԱԻՆ-ից Auroranews-ին հայտնեցին, որ տարածվող տեղեկությունները  իրականությանը չեն համապատասխանում։ 

[d113ab62631489568fa0b4916f6f6d98.jpg]

[010d4491d6fa64edff0dbae33c83c308.jpg]

[b95b46567512d75edf96c35f14d12d5c.jpg]

[db46e6596b55855a68000c63cf7c7d6f.jpg]

[7ce8e4446e1d203f8135d739e912a5a8.jpg]

[c970e8e205835151383c7cc8b14c3c0c.jpg]

[3570849f465c2221527c754b765789ff.jpg]