ՆԱՏՕ-ն մտադիր է մեծացնել ճնշումը Ռուսաստանի նկատմամբ Պուտինի վերջին հայտարարությունից հետո
ՆԱՏՕ-ի երկրները մտադիր են մեծացնել Ռուսաստանի նկատմամբ ճնշումը ՌԴ նախագահ Վլադիմիր Պուտինի կողմից մասնակի մոբիլիզացիայի մասին հայտարարությունից հետո, հայտարարել է Հյուսիսատլանտյան դաշինքի գլխավոր քարտուղար Յենս Ստոլտենբերգը։
«Մենք պետք է շարունակենք աջակցել Ուկրաինային, պետք է պատժամիջոցներ սահմանենք Ռուսաստանի դեմ և պետք է մոբիլիզացնենք ողջ միջազգային հանրությունը, ներառյալ ՄԱԿ-ը...», - ասել է ՆԱՏՕ-ի ղեկավարը Reuters Next առցանց ֆորումում ունեցած ելույթի ժամանակ։
Ստոլտենբերգը խոստացել է շարունակել աջակցել Ուկրաինային՝ չնայած Մոսկվայի վերջին որոշումներին։ Նրա խոսքով, թեեւ Ռուսաստանի ղեկավարի ելույթը սրեց իրավիճակը, սակայն դա անակնկալ չեղավ Արեւմուտքի համար։ Նաև դաշինքի գլխավոր քարտուղարը վստահեցրել է, որ ՆԱՏՕ-ն կանի ամեն ինչ Ռուսաստանի հետ լայնամասշտաբ հակամարտությունը կանխելու համար։
