Բայդենն առաջարկել է Հայաստանում ԱՄՆ դեսպան Լին Թրեյսիին նշանակել Ռուսաստանում ԱՄՆ դեսպան
Հայաստանում ԱՄՆ դեսպան Լին Թրեյսին կարող է դառնալ Ռուսաստանում ԱՄՆ դեսպան: Նրա թեկնածությունը պաշտոնապես առաջարկել է ԱՄՆ նախագահ Ջո Բայդենը։ Այս մասին գրում են ռուսական ԶԼՄ-ները՝ հղում տալով CNN-ին:
Լրատվամիջոցը հայտնում է, որ Թրեյսիի պաշտոնական նշանակումը կախված կլինի նրանից, թե Ռուսաստանը կհամաձայնի նրան ընդունել որպես դեսպան։
Այժմ Թրեյսին Հայաստանում ամերիկյան դիվանագիտական ներկայացուցչության ղեկավարն է։ Նա 2014 - 2017 թվականներին արդեն աշխատել է Մոսկվայում՝ որպես փոխդեսպան։ Եթե Թրեյսիի թեկնածությունը հաստատվի, նա կդառնա Ռուսաստանում Միացյալ Նահանգների դեսպանի պաշտոնը զբաղեցրած առաջին կինը։
