ՀԱՊԿ առաքելությունն ուսումնասիրում է Սյունիքում ադրբեջանական զինուժի հարձակման հետևանքները

Այսօր Հատուկ բանակային կորպուսի հրամանատար Ա.Բուդաղյանի հետ Սյունիքի մարզում ընդունեցինք Հայաստան ժամանած ՀԱՊԿ առաքելության առաջապահ խմբի ղեկավար գեներալ-գնդապետ Անատոլի Սիդորովին։ Այս մասին ֆեյսբուքյան իր էջում գրել է ԱԺ պատգամավոր Արմեն Խաչատրյանը: 

[42f7c8d465c097f28da8f373f887f102.jpg]

[03e81c37528c47a61ee2dd209cb65c13.jpg]

[5a2292a73da06886e057c6e2cd43cc8a.jpg]

[0499da25172f613dc3f2e1d8897aee0f.jpg]

«Վերջինիս ղեկավարած պատվիրակությանը ներկայացվեցին սեպտեմբերի 12-ին սկսված, ՀՀ սահմանների և բնակավայրերի վրա ադրբեջանական զինուժի հարձակման և դրա հետևանքների վերաբերյալ ամփոփ տվյալներ։ 

Ա.Սիդորովը և իր ղեկավարած դիտորդական խումբը հրավիրվել են նաև Գորիս համայնքի Ակներ գյուղ, տեղում ուսումնասիրել հրետակոծության հետևանքով վնասված բնակելի տունը, որը խաղաղ բնակավայրերի վրա հարձակման բազմաթիվ ապացույցներից մեկն է»,- գրել է նա։ 

[640ea9a96ea05fc26c441de65ecdaba2.jpg]