Քաղաքականություն

«Եթե խնդրեն կօգնեմ Ղրղզստանին և Տաջիկստանին լուծել սահմանային վեճը». ՄԱԿ

«Եթե խնդրեն կօգնեմ Ղրղզստանին և Տաջիկստանին լուծել սահմանային վեճը». ՄԱԿ
ՄԱԿ-ը պատրաստ է օգնել Ղրղզստանի և Տաջիկստանի իշխանություններին սահմանային վեճի լուծման հարցում, եթե կողմերը դա խնդրեն, ասվում է ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկի…

ՄԱԿ-ը պատրաստ է օգնել Ղրղզստանի և Տաջիկստանի իշխանություններին սահմանային վեճի լուծման հարցում, եթե կողմերը դա խնդրեն, ասվում է ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկի մեկնաբանության մեջ։ 

«ՄԱԿ-ը պատրաստ է աջակցել սահմանային վեճերի կայուն լուծմանը, եթե կողմերի խնդրանքը լինի», – ասել է Դյուժարիկը։ 
Նրա խոսքով՝ գլխավոր քարտուղարը մեծ մտահոգությամբ է հետևում Ղրղզստանի և Տաջիկական սահմանի երկայնքով բռնությունների սրմանը։ 

«Գլխավոր քարտուղարը կոչ է անում Ղրղզստանի Հանրապետության և Տաջիկստանի Հանրապետության ղեկավարությանը երկխոսություն սկսել կայուն հրադադարի համար: Երկու կողմերն էլ պետք է ամբողջությամբ օգտագործեն տեղում առկա մեխանիզմները լարվածությունը թուլացնելու համար», – հավելել է նա: 

Ղրղզստանի և Տաջիկստանի սահմանին լայնամասշտաբ բախումներ են սկսվել ուրբաթ առավոտյան։ Կողմերը միմյանց մեղադրում են հրետակոծության մեջ։ Երկու երկրների զինվորականների միջև կատաղի մարտերը շարունակվել են ամբողջ օրը սահմանի գրեթե ողջ երկայնքով։ Հրադադարը ձեռք է բերվել միայն գիշերը։ Ղրղզական կողմը հայտնել է բախումների հետևանքով  24 զոհի և ավելի քան 120 վիրավորի մասին։ 

Շաբաթ առավոտյան բախումները վերսկսվել են։ Կողմերը միմյանց մեղադրել են հրադադարի պայմանավորվածությունը խախտելու մեջ։ 

 

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7973) Միջազգային (3506) ԱՄՆ (2354) Ռուսաստան (2226) Իրան (1777) Ընտրություններ (1280) Ուկրաինա (892) Երևան (818) Իսրայել (764) Ադրբեջան (670) Փաշինյան (580) Եվրոպա (528) Ազգային ժողով (482) Ընդդիմություն (472) Թրամփ (446)

Radio Aurora

Լսել Radio Aurora

Գովազդային տարածք

300x250