Երկրներ կան, որոնց կողմից ակնկալիքները, ցավոք, չեն արդարացել․ Արարատ Միրզոյան
Նիկոլ Փաշինյանն այսօր կառավարության նիստին հայտարարեց, որ ինքը երեկ հեռախոսազրույց է ունեցել Ֆրանսիայի նախագահ Էմանուել Մակարոնի հետ և պայմանավորվածություն է ձեռք բերել, որ Ադրբեջանի կողմից սանձազերծած պատերազմի հարցը շարունակելու է մնալ ՄԱԿ-ի անվտանգության խորհրդի ուշադրության կենտրոնում: Ապա դիմեց ԱԳ նախարար Արարատ Միրզոյանին, որ նա ներկայացնի, թե ինչ իրավիճակ է դիվանագիտական ճակատում:
Միրզոյանն էլ թվարկեց, թե ում հետ ինչ շփումներ է ունեցել, որ երկրների կողմից ինչ արձագանք կա, և հայտարարեց, որ պետք է գոհունակություն հայտնել այն երկրներին, որոնք հստակ տարբերակում են դնում ագրեսորի և ագրեսիայի թիրախի միջև: Ապա նշեց, որ երկրներ կան, որոնց կողմից ակնկալիքները, ցավոք, չեն արդարացել, բայց չմանրամասնեց` որ երկրների մասին է խոսքը:
