Ֆրանսիան խնդրել է ՄԱԿ-ի ԱԽ-ում Սիրիայի հարցով վաղվա քննարկումից հետո անդրադառնալ Հայաստանի նամակին. աղբյուր
Ֆրանսիան խնդրել է ՄԱԿ–ի Անվտանգության խորհրդում քննարկել Հայաստանի շուրջ ստեղծված իրավիճակը: Այս մասին հայտնում է РИА Новости-ն՝ հղում տալով ՄԱԿ-ի ԱԽ-ում իր աղբյուրին:
«Ֆրանսիան խնդրել է Անվտանգության խորհրդում Սիրիայի հարցով վաղվա քննարկումից հետո անդրադառնալ Հայաստանի նամակին»,– ասել է գործակալության զրուցակիցը:
Ավելի վաղ ՄԱԿ-ի Անվտանգության խորհուրդը նամակ է ստացել Հայաստանի մշտական ներկայացուցչից։ Նշվում է, որ նամակուՀայաստանի ԱԳՆ ղեկավարի հանձնարարությամբ ՄԱԿ-ում Հայաստանի մշտական ներկայացուցիչ Մհեր Մարգարյանը խնդրում է ՄԱԿ-ի Անվտանգության խորհրդի արտակարգ նիստ հրավիրել ՀՀ–ի դեմ Ադրբեջանի կողմից 2022-ի սեպտեմբերի 13-ին սանձազերծված լայնածավալ ագրեսիայի կապակցությամբ:
Հիշեցնենք, որ կեսգիշերից սկսած Ադրբեջանի ԶՈւ ստորաբաժանումները Գորիսի, Սոթքի և Ջերմուկի ուղղությամբ հրետանային միջոցներից, խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ: Հակառակորդը կիրառում է նաև ԱԹՍ-ներ: Կան զոհեր ու վիրավորներ։
