«ՄԱԳԱՏԷ-ի ղեկավարը խորհրդակցություններ է անցկացնում». ինչ ծրագիր կիրականացվի Զապորոժիեի ԱԷԿ-ում
Ատոմային էներգիայի միջազգային գործակալության գլխավոր տնօրեն Ռաֆայել Գրոսսին կազմակերպության Twitter-յան էջում տեղեկացրել է, որ խորհրդակցություններ է սկսել Զապորոժիեի ԱԷԿ-ի շուրջ անվտանգության գոտու ստեղծման հարցով։
«Երեկ առաջարկվել է հրատապ միջուկային եւ ֆիզիկական անվտանգության եւ պաշտպանության գոտի ստեղծել Զապորոժիեի ԱԷԿ-ում։ ՄԱԳԱՏԷ-ի ղեկավարը խորհրդակցություններ է անցկացնում՝ ուղղված այս ծրագրի իրականացմանը», - նշված է տարածված հայտարարության մեջ:
Հիշեցնենք` ավելի վաղ ՄԱԳԱՏԷ-ի գլխավոր տնօրեն Ռաֆայել Գրոսսին ասել էր, որ ՄԱԳԱՏԷ-ն մշտական ներկայություն է կազմակերպում Զապորոժիեի ԱԷԿ-ում:
