Լիզ Թրասը խոստացել է նվազեցնել հարկերն ու լուծել էներգետիկ ճգնաժամը Մեծ Բրիտանիայում
Մեծ Բրիտանիայի նորընտիր վարչապետ Լիզ Թրասը խոստացել է նվազեցնել հարկերը և լուծել երկրի էներգետիկ ճգնաժամը: Այդ մասին նա հայտարարել է Միացյալ Թագավորության վարչապետի պաշտոնում իր առաջին ելույթում, գրում է Интерфакс-ը:
«Ես կհոգամ, որ մարդիկ կարողանան բժշկի այցելել, ստանալ բժշկական ծառայություններ, երբ դրանց կարիքն ունենան: Մենք մեր առողջապահության համար ամուր հենարան կապահովենք, եթե լավ արդյունքներ ցույց տանք տնտեսության և էներգետիկայի ոլորտում»,- ընդգծել է Թրասը՝ ելույթ ունենալով Դաունինգ սթրիթում։
Նա հավելել է, որ իր աշխատանքում առաջնահերթություններից է լինելու հարկերի նվազեցումը։ Թրասը նաեւ խոստացել է լուծել էներգետիկ ճգնաժամը և «ապագայում ապահովել էներգակիրների մատակարարումները»:
