ՄԱԿ-ն ակտիվորեն կապի մեջ է ԱՄՆ-ի հետ՝ ՌԴ արտգործնախարար Սերգեյ Լավրովի պատվիրակության համար մուտքի արտոնագրերի հարցով։ 360tv.ru-ի հաղորդմամբ, այս մասին ասել են համաշխարհային կազմակերպության գլխավոր քարտուղարի մամուլի ծառայությունից։

Խոսքը ՄԱԿ-ի Գլխավոր ասամբլեայի բարձր մակարդակի նստաշրջանին արտաքին քաղաքականության գերատեսչության ղեկավարի մասնակցության մասին է։

Ավելի վաղ Ռուսաստանի Դաշնության մշտական ներկայացուցիչը  նամակ էր հղել համաշխարհային կազմակերպության գլխավոր քարտուղար Անտոնիո Գուտերեշին։ Դրանում ասվում է, որ Լավրովի պատվիրակության մուտքի փաստաթղթերի հետ կապված բարդ իրավիճակը նկատվում է արդեն մի քանի ամիս։ Նա խնդրել է՝ փոխանցել ԱՄՆ իշխանություններին, որ նրանք հնարավորինս արագ տրամադրեն հայցվող վիզաները։