ԱՄՆ-ը վիզա չի տրամադրել ՌԴ ներքին գործերի նախարարին. վերջինս չի կարողացել գնալ ՄԱԿ-ի գագաթնաժողովին
ԱՄՆ իշխանությունները հրաժարվել են վիզա տրամադրել ՌԴ ՆԳ նախարար Վլադիմիր Կոլոկոլցևին՝ ՄԱԿ-ի երկրների ոստիկանական ծառայությունների ղեկավարների գագաթնաժողովին մասնակցելու համար։ Այս մասին սեպտեմբերի 1-ին հայտնում է РИА Новости-ն՝ հղում անելով ՄԱԿ-ում Ռուսաստանի մշտական ներկայացուցիչ Վասիլի Նեբենզյային։
«Ամերիկյան կողմի գործողությունների պատճառով խափանվել է Ներքին գործերի նախարարության ռուսական պատվիրակության գագաթնաժողովին մասնակցությունը՝ ՆԳ նախարար Վլադիմիր Կոլոկոլցևի գլխավորությամբ։ Սա Միացյալ Նահանգների կողմից Կենտրոնական հաստատությունների համաձայնագրով ստանձնած պարտավորությունների հերթական կոպտագույն խախտումն է»,- մեջբերում է գործակալությունը նրա խոսքերը։
Մշտական ներկայացուցիչը պնդում է, որ Վաշինգտոնի կողմից վիզաների տրամադրումը ոչ թե արտոնություն է, այլ միջազգային իրավական պարտավորություն։
