ՌԴ ԱԳՆ-ն՝ Հայաստանի և Ադրբեջանի պատվիրակությունների հանդիպման մասին

Ռուսական կողմը պատրաստ է շարունակել խորհրդատվական և տեխնիկական աջակցություն ցուցաբերել Ադրբեջանի և Հայաստանի պատվիրակությունների միջև երկու երկրների պետական ​​սահմանի սահմանազատման շուրջ բանակցություններում։ Այս մասին հայտարարել են ՌԴ ԱԳՆ-ում։
 

«Ռուսական պատվիրակությունը պատրաստակամություն է հայտնել շարունակել խորհրդատվական և տեխնիկական աջակցություն ցուցաբերել Ադրբեջանի և Հայաստանի պատվիրակությունների միջև բանակցություններում երկու երկրների միջև պետական ​​սահմանի սահմանազատման, սահմանային գոտում կայունության և անվտանգության մակարդակի բարձրացման շուրջ բանակցություններում»,- ասվում է հայտարարության մեջ։
 

Ըստ ՌԴ ԱԳՆ-ի հայտարարության՝ նոր հանդիպման ժամկետները լրացուցիչ կհամաձայնեցվեն դիվանագիտական ​​ուղիներով։
 

Հիշեցնենք,որ ասյօր Մոսկվայում տեղի է ունեցել Հայաստանի Հանրապետության և Ադրբեջանի Հանրապետության միջև պետական սահմանի սահմանազատման ու սահմանային անվտանգության հարցերով հանձնաժողովի և Ադրբեջանի Հանրապետության և Հայաստանի Հանրապետության միջև պետական սահմանի սահմանազատման պետական հանձնաժողովի երկրորդ նիստը՝ ՀՀ փոխվարչապետ Մհեր Գրիգորյանի և ԱՀ փոխվարչապետ Շահին Մուստաֆաևի նախագահությամբ: