Հրդեհ՝ Սոչիի օդանավակայանի մոտ

ՌԴ ԱԻՆ-ի՝ Կրասնոդարի երկրամասի գլխավոր վարչությունը հայտնել է Ադլերում Սոչիի միջազգային օդանավակայանի մոտակայքում բռնկված հրդեհի մասին, փոխանցում է «ՌԻԱ Նովոստի»-ն։

«Հրդեհը բռնկվել է տնտեսական շենքում, այն արդեն տեղայնացվել է»,- նշել են ԱԻՆ մարզային գլխավոր վարչության մամուլի ծառայությունից։
Այնտեղ ընդգծել են, որ բուն օդանավակայանի տարածքում ոչինչ չի այրվում, եւ հրդեհը չի ազդել դրա աշխատանքի վրա։

Ըստ տեղի բնակիչների, ովքեր սոցցանցերում հրդեհի լուսանկարներ են հրապարակում, հրդեհը տեղի է ունեցել կոոպերատիվ ավտոտնակներում, փոխանցում է ՄԿ-ն։