ՌԴ ՊՆ-ն` Արցախում ստեղծված իրավիճակի մասին
Ռուսաստանի Դաշնության պաշտպանության նախարարությունը հերթական տեղեկագիրն է հրապարակել Արցախում ռուս խաղաղապահների պատասխանատվության գոտում տիրող իրավիճակի վերաբերյալ.
«Վերջին 24 ժամվա ընթացքում ադրբեջանական զինուժի կողմից Սարիբաբա և Բուզդուխ լեռների, ինչպես նաև Մարտակերտի շրջանում հրադադարի ռեժիմի 4 խախտում է արձանագրվել ռուսական խաղաղապահ զորախմբի պատասխանատվության գոտում, ինչի հետևանքով զոհվել է երկու, վիրավորվել Լեռնային Ղարաբաղի զինված կազմավորումների տասնչորս ներկայացուցիչ»-նշվում է տեղեկագրում։
Հաղորդվում է, որ ռուս խաղաղապահների հրամանատարության, ադրբեջանական և հայկական կողմերի հետ համագործակցությամբ այդ միջադեպերը հարթվել են. «Կողմերի շփման գծի խախտումներ չեն եղել»։
