Կոնգրեսականը կոչ է արել ԱՄՆ-ին կանգնեցնել Արցախի դեմ Ալիևի վտանգավոր գործողությունները
ԱՄՆ Կոնգրեսի հայկական հարցերով հանձնաժողովի համանախագահ Ֆրանկ Փալոնեն կոչ է անում Միացյալ Նահանգներին հնարավոր բոլոր միջոցներն օգտագործել Արցախի բնակչության դեմ Ալիևի վտանգավոր գործողությունները կանգնեցնելու համար: Այս մասին Փալոնեն գրել է «Թվիթեր»-ի իր էջում:
«Սա Ալիևի կողմից Արցախի բնակչությանը Լաչինի միջանցքը փակելու նման անհեթեթ պահանջներով սպառնալու վերջին օրինակներից է: Կոչ եմ անում ԱՄՆ պետդեպարտամենտին և ԵԱՀԿ-ում ԱՄՆ մշտական ներկայացուցչությանը դատապարտել այս գործողություններն և օգտագործել բոլոր առկա դիվանագիտական գործիքներն Ալիևի վտանգավոր գործողությունները դադարեցնելու համար»,- ասվում է գրառման մեջ։
