Զելենսկին պատմական շանս ուներ կանխելու ներկա իրավիճակը․ ինչ են կարծում Ղրիմում

Ղրիմի խորհրդարանի ղեկավար Վլադիմիր Կոնստանտինովը հայտարարել է, որ Վլադիմիր Զելենսկին պատմական հնարավորություն ուներ կանխելու ուկրաինական հակամարտության սրումը, սակայն նա բաց թողեց այն։

«Զելենսկին պատմական շանս ուներ կանխելու ներկա իրավիճակը դրա ձևավորման հենց սկզբնական պահին, բայց նա միջակորեն բաց թողեց այդ հնարավորությունը, քանի որ նա անփորձ, անհեռատես քաղաքական գործիչ է», - գրել է Կոնստանտինովը Telegram-ի իր ալիքում։

Նրա խոսքով՝ Զելենսկին պետք է ճանաչեր Ղրիմի ռուսական կարգավիճակը և հրաժարվեր Դոնբասի նկատմամբ հավակնություններից։

«Ի՞նչ կորցրեց Զելենսկին այս դեպքում. ոչինչ: Ղրիմը նրան չի պատկանում արդեն ութ տարի, ինչպես նաև Դոնբասը: Այս շրջաններում ապրող սովորական մարդիկ վաղուց դադարել են իրենց համարել այն, ինչ մինչև վերջերս սովորաբար կոչվում էր Ուկրաինա, այս մասին վկայում են Ղրիմում եւ Դոնբասում անցկացված բոլոր սոցհարցումները»,- ընդգծել է Ղրիմի խորհրդարանի ղեկավարը։

Ուկրաինայի քաղաքական փակուղուց դուրս գալու երկրորդ պայմանը, ըստ Կոնստանտինովի, չեզոք կարգավիճակի հռչակումն էր։ 

«Ընդհանուր առմամբ, Ուկրաինան դա արդեն ուներ, պարզապես պետք էր պահպանել այն և երաշխիքներ տալ, այդ թվում՝ միջազգային. Ժամանակն է լուծել ուկրաինական հարցը»,- ընդգծել է նա։