Ֆինլանդիան, Շվեդիան և Թուրքիան համատեղ հուշագիր են ստորագրել
Ֆինլանդիան, Շվեդիան և Թուրքիան Մադրիդում կայացած բանակցությունների արդյունքներով ստորագրել են համատեղ հուշագիր: Այդ մասին գրել է ֆիննական Helsingin Sanomat թերթը:
Նշվում է, որ Թուրքիայի և Ֆինլանդիայի նախագահներ Ռեջեփ Թայիփ Էրդողանի և Սաուլի Նիինիստյոյի և Շվեդիայի վարչապետ Մագդալենա Անդերսոնի հանդիպումը տևել է ավելի երկար, քան պլանավորվում էր՝ երկու ժամ, և մեռյալ կետից տեղաշարժվելու հույս է տվել: Բացի դա, հաղորդվում է, որ կողմերը համատեղ փաստաթուղթ են մշակում, թեև պարզ չէ՝ խոսքը պարզ հայտարարությա՞ն, թե՞ հուշագրի մասին է։
Ֆիննական Iltalehti թերթի տվյալներով՝ այդ փաստաթղթում կարող են լինել դրույթներ ահաբեկչության դեմ պայքարին կողմերի նվիրվածության մասին, ինչպես նաև որոշ կետեր, որոնք կհեռացնեն Թուրքիայի անհանգստությունը:
